11.05.2026 – Официјален старт на подготовките за GardenView

„Првиот чекор кон реализација на визијата! Тешката механизација е веќе на терен, работејќи на целосно расчистување и подготовка на подлогата. Во тек се подготовките за оградување на градилиштето, со што јасно ги дефинираме границите на нашиот нов комплекс.

13.08.2026 – Градежни активности на повеќе објекти во комплексот GardenView

Изградбата на комплексот GardenView напредува со брзо темпо, при што активно се работи на подготовка и изведба на темелните конструкции на повеќе објекти истовремено:

• Објект 1 и Објект 3: По успешното бетонирање на темелната плоча, градежните работи преминаа во следната конструктивна фаза. Во тек е шалување на армирано-бетонските платна и поставување на арматура за столбовите, со што започнува оформувањето на носечката конструкција.
• Објект 2 и Објект 4: На овие позиции се изведуваат подготвителни работи на теренот и се спрема подлогата за излевање на подложниот (мршав) бетон, кој служи како заштитен слој пред поставувањенето на арматурата и шалување на темелна плоча

   

  

   

The post Приказната на GARDENVIEW appeared first on Emporia Build.

Тука ќе можете да го следите секој чекор од трансформацијата на HAVENWOOD – од првите темели до финалните детали. Ќе споделуваме новости, фотографии и интересни приказни од градилиштето, за да бидете секогаш во тек со напредокот на вашиот иден дом.

10.05.2025 – Поставување на геотекстил GEOTESS 500 

Во рамки на подготовката на темелите, на теренот се поставува геотекстил Geotess 500 – специјален материјал кој има важна улога во заштитата и стабилноста на објектот. Овој геотекстил служи како заштитен и израмнувачки слој под хидроизолацијата, овозможувајќи подолг век на траење и дополнителна сигурност за темелната конструкција

18.05.2025 – Ставање на геомрежа FORTRAC R110/110-25T

Во оваа фаза од градбата, на теренот се поставува геомрежа FORTRAC R110/110-25T – специјализиран материјал за армирање и стабилизација на земјиште. Оваа геомрежа е изработена од високо квалитетни полиестерски влакна со заштитен полимерен слој, што придонесува исклучителна цврстина и долготрајност.

24.06.2025 – Армирање на темелна плоча за Зграда 1

Започнуваме со еден од клучните чекори во изградбата на Зграда 1 – армирањето на темелната плоча.

16.07.2025 – Поставување на камен темелник на Зграда 1

Со симболичното поставување на камен-темелникот започна изградбата на Зграда 1. Поставувањето на камен-темелникот ја означува нашата одлучност кон градење современа, безбедна и пријатна заедница за сите идни жители. Во следните недели ќе се работи интензивно на почетните конструкции.

22.09.2025 – Тековни работи на Зграда 1 и Објект 4

На Зграда 1 се изведува шалување и армирање на плоча – кота 0, како дел од конструктивните работи на објектот. Паралелно, на Објект 4 е во тек бетонирање на платната.

17.11.2025 – Тековни работи на Зграда 1 и Објект 4

Во Зграда 1 се шалува и армира втората плоча, додека кај Објект 4 во моментов се изведува бетонирање на приземјето согласно проектните спецификации. Овие чекори се основа за понатамошен напредок во изградбата на комплексот.

20.02.2026 – Конструктивни работи на Зграда 1: Плоча на 5-ти кат

Во оваа фаза од изградбата се врши шалување и армирање на плочата на петтиот кат. Активностите опфаќаат монтажа на челична арматура и поставување на оплата според строгите проектни спецификации, со што се заокружуваат техничките подготовки пред пристапување кон бетонирање на оваа позиција.

16.03.2026 – Паралелна изведба на ѕидарски и инсталациони позиции во Зграда 1

На вториот кат е започната фазата на ѕидарија. За изведба на надворешните и внатрешните преградни ѕидови се користат NEXE термоблокови. Изборот на овие материјали е направен поради нивната димензионална прецизност и докажаните карактеристики за термичка и звучна изолација, што придонесува за енергетската ефикасност на објектот. На ниво на приземје е започнато со поставување на основните електрични и водоводни инсталации. Работите се изведуваат низ целата површина на приземниот дел за да се обезбеди потребната функционална инфраструктура на објектот.

25.04.2026 –Паралелна изведба на конструкција и внатрешни инсталации во Зграда 1.

Во тек е истовремена монтажа на фасадната столарија на првиот и вториот кат, каде паралелно се поставуваат водоводните инсталации и вентилационите канали, додека на четвртиот кат веќе интензивно се изведуваат ѕидарските работи. Воедно, градежните активности на горните нивоа се фокусирани на армирање на меѓукатната плоча на шестиот кат со што конструкцијата на објектот напредува според предвидената динамика.

20.07.2026 – Синхронизирана изведба на завршни конструктивни и занаетчиски работи во HAVENWOOD

Во рамки на планираната динамика за изградба на комплексот HAVENWOOD, градежните активности интензивно се одвиваат на повеќе позиции во Зграда 1:

• Ѕидарски работи: Се врши завршно ѕидање на 6-тиот кат со што целосно се заокружува фазата на преградни и надворешни ѕидови на објектот.
• Фасадна столарија и гипс-картон системи: На 5-тиот кат во тек е монтажа на фасадната столарија, а паралелно се поставува и потконструкцијата за гипс-картонските системи.
• Внатрешни малтерисувања: На 2-риот кат се изведува машинско малтерисување со цементен малтер од производителот Baumit, со што се обезбедува максимална цврстина и рамномерност на ѕидните површини.
• Термотехнички инсталации: Во тек е изведба на грубата фреонска и цевна инсталација за Midea Multi-Split системот за греење и ладење, со што се обезбедува соодветна подготовка за завршната климатизација на сите станбени единици.

  30.07.2026 – Интензивен напредок во изградбата на Зграда 2 во HAVENWOOD

  По успешното поставување на темелната плоча, градежните активности за Зграда 2 продолжуваат со непречено темпо. Во оваа фаза, фокусот е ставен на изведба на носечката конструкција. Во тек е бетонирање на армирано-бетонските платна и армирање на столбовите, а паралелно се изведува и шалување на плочата на приземје.

  

The post Приказната на HAVENWOOD appeared first on Emporia Build.